Ադրբեջանն ու Իրանը մարտի 11-ին փոխըմբռնման հուշագիր են ստորագրել’ Իրանի տարածքով Նախիջևանի ինքնավար հանրապետության և Ադրբեջանի Արևելա-Զանգեզուրի տնտեսական շրջանի միջև նոր հաղորդակցական ուղիները ստեղծելու մասին պատմական փաստաթուղթ:
Չինաստանից դեպի եվրոպական երկրներ բեռների մեծ մասը գնում էր «Մեկ գոտի, մեկ ճանապարհ» նախագծի հյուսիսային միջանցքով։ Նոր հաղորդակցությունները ռազմավարական փոփոխություններ կմտցնեն չինական նախաձեռնության տրանսպորտային-լոգիստիկ քարտեզում: Հուշագրի շրջանակներում կստեղծվեն նոր երկաթուղիներ, ավտոմայրուղիներ, ինչպես նաև՝ կապի և էներգամատակարարման գծեր ողջ երթուղու ընթացքում: Նոր ճանապարհի միջոցով կիրականացվեն ներմուծման, արտահանման և տարանցիկ բեռների փոխադրումներ։ Հուշագրի համաձայն՝ կողմերը պետք է ապահովեն իրենց տարածքում գտնվող ճանապարհատվածի արդիականացումը, վերականգնումն ու կառուցումը։
Բացի այդ, զուգահեռ աշխատանքներ են տարվում Ադրբեջանի և Թուրքիայի միջև Կարս-Իգդիր-Նախիջևան երկաթուղային նախագծի իրականացման ուղղությամբ։ Նոր հաղորդակցությունների շնորհիվ հնարավոր կլինի միավորել երկաթուղիները՝ չինական բեռները Թուրքիա և Եվրոպա առաքելու համար։
Այսպիսով, Չինաստանի, Ադրբեջանի և Իրանի միջև համագործակցությունը հրաշալի հնարավորություններ է բացում բազմաթիվ խնդիրների լուծման համար։
Աղբյուր․ https://vestikavkaza.ru