Ապրիլի 21-ին Սփյուռքի գործերի գլխավոր հանձնակատարի գրասենյակը հյուրընկալել է Հորդանան-Եվրոպական խորհրդարանի բարեկամության ասոցիացիայի նախագահ Խալդուն Հինայի գլխավորած պատվիրակությանը։
Ողջունելով հյուրերին՝ Զարեհ Սինանյանն ընդգծել է․ «Հորդանանը պատմականորեն եղել է հայ ազգի, Հայաստանի Հանարապետության բարեկամ երկիր և ազգ՝ ապաստան տրամադրելով Հայոց ցեղասպանությունը վերապրած բազմաթիվ հայերի։ Ինքս ճանաչում եմ հայերի, ովքեր իրենց մանկությունը անցկացրել են Հորդանանում և դրական հուշեր ունեն երկրի ջերմ ընդունելությունից»։
Այնուհետ Գլխավոր հանձնակատարը ներկայացրել է գրասենյակի գործունեությունը, ծրագրերը՝ նշելով, որ գրասենյակն աշխատակիցներ ունի նաև արաբական աշխարհից:
Հորդանանի Հաշիմյան Թագավորության Սենատի Հորդանան-Եվրոպական խորհրդարանի բարեկամության ասոցիացիայի նախագահ Խալդուն Հինան շնորհակալություն է հայտնել Զարեհ Սինանյանին ջերմ ընդունելության համար և ընդգծել, որ Հորդանանի և Հայաստանի ժողովուրդների միջև ստեղծվել են ամուր կապեր: Նա կարևորել է Հորդանանում հայ համայնքի ներկայությունը և դերակատարությունը:
Աղբյուր․ diaspora.gov.am