Ադրբեջանի լեզուների համալսարանի (ԱԼՀ) Կոնֆուցիուսի ինստիտուտում տեղի է ունեցել սեմինար՝ «Չինաստանում ուսուցման առանձնահատկությունները և բարձրագույն կրթության համակարգը» թեմայով:
Սեմինարին ելույթ է ունեցել Պեկինի բիզնեսի և տնտեսագիտության միջազգային համալսարանի մագիստրոս, Չինաստանի «Ժենմին» համալսարանի դոկտորանտ Կատանա Գաֆարովան: Նա խոսել է Չինաստանի բարձրագույն կրթության ժամանակակից համակարգի, Չինաստանի համալսարանների ընդունելության և հայտ ներկայացնելու պահանջների, օտարերկրյա ուսանողների համար կրթաթոշակների և դրամաշնորհների տեսակների, ներառյալ Չինաստանի կառավարության դրամաշնորհների մասին:
Կ.Գաֆարովան նշել է նաև, որ աշխարհի 300 լավագույն բուհերի վարկանիշում ներկայացված են չինական մի քանի բուհեր։ Ունենալով միջազգային ստանդարտներ՝ դրանք համաշխարհային առաջատարներն են գիտական հրապարակումների քանակով և ակտիվորեն մասնակցում են միջազգային փոխանակումների և գիտական համագործակցության զարգացմանը:
ԱԼՀ-ի Կոնֆուցիուսի ինստիտուտի տնօրեն Ռաֆիգ Աբբասովի խոսքով՝ վերջին տարիներին զգալիորեն աճել է Չինաստանի բուհերում սովորող ադրբեջանցի ուսանողների թիվը, ընդլայնվում է կրթաթոշակային ծրագրերի փոխանակումը։ Ռ․Աբասովը նշել է նաև Ադրբեջանի և Չինաստանի կրթության նախարարությունների միջև ստորագրված համագործակցության մի շարք համաձայնագրեր:
Աղբյուր․ azertag.az